Qazaqstan OPEK + kelisimi boıynsha munaı óndirýdi azaıta bastaıdy. Eki aıdyń ishinde munaı óndirisin táýligine 9,7 mıllıon barrelge qysqartýdy kózdeıtin OPEK + kelisimi boıynsha, Qazaqstan óndiristi táýligine 390 myń barrelge azaıtýǵa mindetteme aldy. Bul týraly Energetıka mınıstrliginiń baspasóz qyzmeti habarlady.
Álemde jáne Qazaqstanda munaıǵa suranystyń tómendeýi aıasynda munaı qorlarynyń aıtarlyqtaı artýyna baılanysty osy jyldyń ekinshi toqsanynda munaı saqtaý qoımalarynyń tolyp ketý qaýpi bar.
Osyǵan baılanysty mınıstrlik «Barlaý jáne óndirý jáne kómirsýtegi shıkizatyn óndirý úshin jer qoınaýy ýchaskelerin paıdalanýǵa ýaqytsha shekteýler engizý týraly» qaýlysynyń jobasyn ázirledi. О́ndiristi shekteý ortasha, iri jáne alyp ken oryndary sanatyna jatatyn ken oryndaryna qoldanylady.
«Jer qoınaýy resýrstarynyń tizimine ekonomıkalyq faktorlardyń áserinen óndiristiń tabıǵı tómendeýi kútiletin usaq jáne kishi ken oryndary engen joq» deıdi qaýly mátininde.
Bul qaýly barlyq óndirýshi kompanııalarǵa Qazaqstan Respýblıkasynyń ishki naryǵynyń munaı ónimderiniń qajetti kólemine qajettiligin eskere otyryp, óndiristiń tabıǵı quldyraý kezeńinde munaı óndirýdi azaıtý boıynsha mindettemelerdi ádil bólýdi qamtamasyz etedi.