Túrkistan oblysynda eki aýyldy sý basýyna baılanysty tehnogendi tótenshe jaǵdaı rejımi jarııalandy. Osyǵan baılanysty Tótenshe jaǵdaılar komıtetinde shuǵyl shtab jumys istep jatyr. Bul týraly Tótenshe jaǵdaılar komıtetiniń baspasóz qyzmeti habarlady.
Tótenshe jaǵdaılar komıtetiniń málimetine sáıkes shuǵyl shtabqa komıtet basshysy Vladımır Bekker tóraǵalyq etedi.
- Jaǵdaıdy baqylaýda ustaý úshin oqıǵa ornyna Ishki ister mınıstriniń orynbasary Iýrıı Ilın Ekologııa, geologııa jáne tabıǵı resýrstar vıse-mınıstri Sergeı Gromov jáne Aýyl sharýashylyǵy mınıstrliginiń ókili attandy. Apattyq qutqarý jumystaryna Túrkistan oblysynan 267 qutqarýshy jáne 26 tehnıka tartylǵan. Sondaı-aq Shymkentten 300 áskerı jáne 28 tehnıka bardy. Uzynaǵash eldimekenindegi Ulttyq ulannan 460 áskerı daıyn tur, - delingen habarlamada.