Nur-Sultan qalasy ákiminiń orynbasary Nurlan Nurkenov Esil ózeniniń arnasyn qalpyna keltirý jumystarynyń barysyn tekserdi. Bul týraly qala ákimdiginiń baspasóz qyzmeti habarlady.
Jobany iske asyrý sý tasqyny kezinde qalany qaýipsizdendirýge múmkindik beredi, sondaı-aq keme qatynasynyń damýyna yqpal etedi.
«Esil ózeniniń arnasyn qaıta jańartý jáne keńeıtý jumystary jalǵasyp jatyr. Qazir jobanyń besinshi kezeńi. Altynshy kezeńge kirisý týraly sheshim qabyldandy. Arna túbin tereńdetý, ózen jaǵalaýyn nyǵaıtý arqyly sýdy kedergisiz ótkizýge múmkin boldy. О́zen arnasyn qaıta qurý aldaǵy jyldary da sýdy bógetsiz ótkizýdi qamtamasyz etýge múmkindik beredi»,- dedi N. Nurkenov.
Jyl sońyna deıin ózendegi sý deńgeıin retteýge múmkindik beretin bóget salý jumystary aıaqtalady. Aýmaq kógaldandyrylyp, abattandyrylady. Sarybulaq bulaǵyn abattandyrý jobasy júzege asyp jatyr.
«Esil ózeniniń arnasyn qaıta jańartý jobasynyń sońǵy, altynshy kezeńi 2021 jyldyń kúzinde aıaqtalady. О́zen túbin tereńdetý, jaǵalaýdy nyǵaıtý jumystary aıaqtalady», – dep atap ótti Nurkenov.