Apat aıtyp kelmeıdi. Jýyrda ǵana, ıaǵnı 2 mamyr kúni kórshi Túrkistan oblysy, Maqtaaral aýdanynyń shekarasyndaǵy ortalyq kollektordan sý jaıylyp, oryn alǵan tótenshe jaǵdaı saldarynan birneshe eldimeken sý astynda qalǵan edi.
Atalǵan máselege qatysty Memleket basshysy Qasym-Jomart Toqaev tıisti basshylarǵa naqty tapsyrmalar bergen bolatyn. Bul oraıda Jambyl oblysynyń ákimdigi Túrkistan oblysy, Maqtaral aýdanynyń turǵyndaryna, jalpy atalǵan óńirdiń sý basqan aımaqtaryna gýmanıtarlyq kómek kórsetti. Azyq-túlik jáne turǵyndar úshin qajetti taýarlar tıelgen júk kólikteri kórshi oblysqa attandy.
«Jergilikti kásipkerlerdiń qoldaýymen 30 tonna azyq-túlik ónimderi jınaldy. Onyń ishinde 10 tonna un men kúrish, 5 tonna qant, 2 tonna makaron jáne ósimdik maıy, 1 tonna qaraqumyq bar. Sonymen qatar, qıyn jaǵdaıǵa tap bolǵan azamattarǵa arnalǵan gýmanıtarlyq kómekke 10 myńǵa jýyq taýar túrleri, atap aıtsaq, aıaq-kıim, fýtbolkalar, jeıdeler, shalbarlar, balalar kıimderi, tósek-oryn jabdyqtary jáne basqa da zattar jınaldy», deıdi Jambyl oblysy ákiminiń orynbasary Nurjan Kalenderov.
Jambyl oblysy