«Nursultan Nazarbaev halyqaralyq áýejaıy» - Qazaqstandaǵy eń iri áýejaılardyń biri. Jolaýshylar aǵyny boıynsha 2-oryndy alady. О́tken jyly áýejaıda 5,1 mln jolaýshyǵa qyzmet kórsetilgen, dep habarlady IIDM baspasóz qyzmeti.
Áýejaı memleket menshiginde. 2321 adam qyzmet etedi.
Tótenshe jaǵdaı engizilgenge deıin «Nursultan Nazarbaev halyqaralyq áýejaıynan» 16 ishki baǵyt boıynsha aptasyna 320 turaqty reıs oryndaldy. Sondaı-aq, 3 qazaqstandyq jáne 12 sheteldik áýekompanııa apta saıyn 31 baǵytta 179 halyqaralyq jolaýshylar reısi atqaryp keldi.
Astanalyq áýejaı - elimizdiń vızıt kartochkasy. Memlekettik jáne resmı saparlar kezinde shetel basshylarynyń delegasııasyna jıi qyzmet kórsetedi.
2017 jyly «EKSPO-2017» halyqaralyq kórmesine daıyndyq aıasynda qaýipsizdik pen sapanyń barlyq halyqaralyq standarttaryna sáıkes keletin jańa halyqaralyq jolaýshylar termınaly paıdalanýǵa berildi.