Karantınniń shekteýi Qaraǵandy oblysynyń Abaı, Buqar jyraý, Jańaarqa jáne Shet aýdandarynda dándi-daqyldar egý jumystarynyń bastalýyna kedergi bola almady. Bul týraly búgin oblys ákimdiginde ótken apparat jınalysynda aýyl sharýashylyǵy basqarmasynyń basshysy Saǵynjan Apaqashov habarlady.
Búgingi kúnge deıin óńirde barlyǵy 21,9 myń gektar alqapqa dán sińirildi. Onyń ishinde 12,8 myń ga jerge bıdaı egilgen. Abaı aýdanynda 65 ga alqapqa kartop, al 25 ga jerge basqa da kókónis ósirilýde.
Qalǵan aýdandarda topyraqty daıyndaý jumystary aıaqtalýǵa jaqyn. 96 myń gektar jerde egis aldyndaǵy óńdeý, al 33 myń gektarǵa kóktemgi óńdeý jumystary júrgizildi.
Kóktemgi dala jumystary úshin fermerler 3 977 tonna dızel otynymen qamtamasyz etilgen.
Qaraǵandy oblysy