Sáýir aıynyń 1 men 31 mamyr aralyǵynda oblys kóleminde «Brakoner» jedel-profılaktıkalyq is-sharasy ótkizilýde. Shara aıasynda arnaıy mobıldik top quryldy. Bul týraly oblystyq Polısııa departamentiniń baspasóz qyzmeti habarlaıdy.
Tabıǵat qorǵaý polısııasy qyzmetkerleri men oblystyq orman sharýashylyǵy jáne janýarlar dúnıesi aýmaqtyq ınspeksııasynyń mamandary 2 mamyr kúni birlesken reıd barysynda Shıeli aýdany, Bala bı aýylynyń tusynda «ÝAZ» avtokóligin toqtatyp tekserý barysynda, zańsyz elektr toǵyn paıdalanyp, balyq aýlap júrgen aýdan turǵyny ustaldy.
Ustalǵan azamattan rezeńke qaıyq, akkýmýlıator jáne 6 keliden asa balyq alyndy.
Atalǵan derek boıynsha Qazaqstan Respýblıkasy Qylmystyq Kodeksiniń 335-babynyń 3-bóligimen tergep-tekserý amaldary júrgizilýde.