Nazarbaev Zııatkerlik mektepteriniń bilim alýshylary arasynda alǵash ret ótkizilgen «Biz birgemiz» bı festıvalinde qyzylordalyq zııatkerler 2 júldeli oryn ıelendi.
Alpysqa jýyq oqýshy qatysqan baıqaý halyq bıleri, qazirgi zaman horeografııasy, sporttyq baldyq bı, hıp-hop jáne k-pop baǵyttary boıynsha ótkizildi. Alǵashqy janrda mekteptiń 11-synyp oqýshysy Eljan Jarylqasyn, 12-synyp oqýshylary Gúlmaral Keńesbek pen Jansaıa Serikbaı óz ónerlerin kórsetse, qazirgi zaman bılerinen 11- synyp oqýshylary Mereı Isataı men Nazym Qýandyq jáne 10-synyp oqýshysy Baıan Sarıbaeva baq synady.
Baıqaýdyń aqtyq kezeńine joldama alǵan Jansaıa I oryn, al Baıan júldeli III oryndy ıelendi. Sondaı-aq, festıval barysynda bı qoıylymynda kreatıvti mazmunmen erekshelengen Mereı Isataı «Úzdik qoıylym» nomınasııasymen marapattaldy.
Aıta ketý kerek, Shymkent qalasyndaǵy fızıka-matematıka baǵytyndaǵy Nazarbaev Zııatkerlik mektebi uıymdastyrǵan alǵashqy onlaın bı baıqaýyn aldaǵy ýaqytta dástúrli túrde ótkizý josparlanyp otyr.