1 - 3 mamyr aralyǵynda Qyzylorda qalalyq Polısııa basqarmasy qyzmetkerleri qala mańyndaǵy saıajaı ýchaskelerine reıdtik tekserýler júrgizdi. Sharaǵa 76 polıseı men 12 avtopatrýl jumyldyryldy.
Qoǵamdyq tártipti qamtamasyz etip, qylmys pen quqyq buzýshylyqtyń aldyn alý, turǵylyqty jeri boıynsha IIO-da esepte turatyndardy tekserý baǵytyndaǵy mundaı reıdter jıi ótkizilip turady.
Bul jolǵy tekserý barysynda QR ÁQBtK-niń 612-baby boıynsha jol qozǵalysy erejesin buzýdyń 1 deregi anyqtalyp, júrgizýshi ákimshilik jaýapkershilikke tartyldy.
Sonymen qatar, reıd barysynda karantın rejımine qaramastan, «PMK-29» saıajaıynda jalǵa beriletin oryndarda demalys uıymdastyrǵan 1 azamatqa qatysty hattama toltyryldy.
Shara barysynda QR ÁQBtK-niń 482-baby boıynsha (jeke jáne zańdy tulǵalardyń qarýdy zańsyz ıelenip alýy, berýi, ótkizýi, saqtaýy, alyp júrýi, tasymaldaý) 1 azamatqa qatysty ákimshilik hattama rásimdelip, QR QK 296-baby boıynsha (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) 2 derek tirkeldi.