2021 jyldyń jazynda Japonııanyń Fýkýoka qalasynda jalaýy jelbireýge tıis sý sport túrleri boıynsha álem chempıonaty keıinge shegerilip, ol 2012 jyldyń 13-29 mamyr aralyǵynda ótedi dep belgilendi.
Sý sportynan óte kóp júlde jıyntyǵy sarapqa salynatynyn jankúıerler jaqsy biledi. Máselen, byltyr Ońtústik Koreıanyń Kvandjý qalasynda uıymdastyrylǵan álem chempıonatynda júzý, sýǵa sekirý, sınhrondy júzý, haı-daıvıng, ashyq basseınde júzý jáne vaterpoldan ótken saıystarda barlyǵy 230 medal taratyldy.
Aıtýly básekede aıdy aspanǵa shyǵarǵan Qytaı quramasy jalpy komandalyq esepte kósh bastady. Aspanasty eliniń ókilderi 16 altyn, 11 kúmis jáne 3 qola medaldi oljalady. Ekinshi jáne úshinshi oryndy AQSh (15+11+10) pen Reseı (12+11+7) ıelendi. Sondaı-aq, Aýstralııa (7+9+7), Majarstan (5+0+0), Italııa (4+6+5), Ulybrıtanııa (4+2+6), Germanııa (3+2+3), Brazılııa (2+3+2) jáne Kanada (2+2+7) syndy elder úzdik ondyqtyń qatarynan kórindi. О́kinishke qaraı, Qazaqstan quramasyna bul birinshilikte birde-bir júlde buıyrmady.