Fýtzaldan bıylǵy jylǵy Qazaqstan chempıonatyn 25 mamyrda jalǵastyrý josparlanyp otyr.
Osy máseleni ońtaıly sheshý maqsatynda qazirgi kezde Qazaqstan fýtbol federasııasy men klýbtar arasynda kelissózder júrgizilýde. Sebebi, túrli komandalarda óner kórsetip júrgen kóptegen oıynshylarmen bıylǵy jyldyń jazynda kelisimsharttar aıaqtalady. Sol merzimge deıin joǵaryda aıtylǵan máseleni sheshimin tabýǵa tıis. Sondyqtan da el birinshiligin 25 mamyrdan bastap, qaıta jalǵastyrý kózdelýde. Qalǵan oıyndardyń barlyǵy da Shýchınskegi «Jaqsy» sport kesheninde ótedi.
Koronavırýske baılanysty karantın bastalǵanǵa deıin «Qaırat» aldyna jan salǵan joq. Almatylyq ujym 16 kezdesýden keıin 44 upaı oljalady. Ekinshi orynda kele jatqan «Aqtóbe» 36 upaıdy enshilep otyr. Alaıda olardyń «Qaırattan» tórt kezdesýi artyq.