Qazaly aýdanynda tótenshe jaǵdaı kezeńinde kommýnaldyq qyzmet shyǵyndar óteýge baılanysty suraqtarǵa jaýap beretin sall-ortalyq ashyldy. Bul týraly aýdan ákiminiń baspasóz qyzmeti habarlaıdy.
Endi aýdan turǵyndary tótenshe jaǵdaı kezinde kommýnaldyq qyzmet aqy esebinde beriletin 15 myń teńgeni alý úshin esh jerge barmaı-aq, osy ortalyqqa habarlasyp, ótinish bere alady.
Tutynýshy óz ótinishinde jeke sáıkestendirý nómirin, áleýmettik mártebesin, esepshot deregin kórsetýi tıis.
Atalǵan áleýmettik kómek 1,2 jáne 3 toptaǵy múgedekterge, Uly Otan soǵysynyń múgedekteri men qatysýshylary jáne Uly Otan soǵysynyń múgedekteri men qatysýshylaryna teńestirilgen adamdarǵa, múgedek balalardy tárbıeleýshi otbasylarǵa, kópbalaly otbasylarǵa, eń tómen jáne az zeınetaqy alatyn zeınetkerlerge, memlekettik jáne qoǵamdyq mindetterin jáne áskerı qyzmetin oryndaý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyq tártibin oryndaý kezinde kezinde qaza tapqan (qaıtys bolǵan) adamdardyń otbasylaryna jáne ataýly áleýmettik kómek alatyn azamattar, onyń ishinde jalǵyzbasty zeınetkerlerge tıesili.