Karantın talaptary jeńildegennen beri oblysta 43 kásiporynnyń jumysyna ruqsat etilgen. Bul týraly óńirlik kommýnıkasııalar qyzmetiniń aqparattyq alańynda oblystyq ındýstrııalyq-ınnovasııalyq damý basqarmasynyń basshysy Rınat Sultangereev málimdedi.
Basqarma basshysy brıfıngte bıyl jergilikti taýar óndirýshilerge basymdyq beriletinin atap ótti. «Jumyspen qamtý» baǵdarlamasy boıynsha 276 joba júzege asyrylyp, 1349 adam jumyspen qamtylady.
– Tótenshe jaǵdaı barlyq salaǵa ózgeris ákelgeni jasyryn emes. Bir jarym aıdan asa syrttan keletin taýarlar toqtap qalǵanyn bilesizder. Degenmen, ómir jalǵasyp jatyr. Qazir temir–beton, sement shyǵaratyn, qıyrshyq-tas úgitetin zaýyttar iske kiristi. Olarǵa qyzmet kórsetetin avtokólikterdi «Sergek» baǵdarlamasyna engizip, kidirissiz júrýlerine jaǵdaı jasalyp otyr,–dedi Rınat Qaldybekuly.
Basqarma basshysy ınfeksııanyń taralýyn tejeý maqsatynda jergilikti 80-nen astam jeńil ónerkásip salasyndaǵy kásiporyn men eriktiler jeke qorǵanys quraldaryn óndirip jatqanyn atap ótti.