Koroldik bıligi janyndaǵy PIF (Memlekettik ınvestısııalyq qor) Qor Amerıka Qurama Shtattaryndaǵy eń iri kınokompanııa AMC Entertainment Holdings -pen kelissózder júrgizip, kınematografııalyq bızneske kirýge nıetti ekenin málimdedi, osy kúnge deıin konservatıvti kózqarasty ustanyp kelgen elde kınoteatrlarǵa 35 jyldyq tyıym jaqyn arada alynyp tastalady, dep jazady vestifinance.ru Reıter agenttigine silteme jasap.
«Qordyń mindetine sáıkes, koroldiktiń perspektıvaly jańa sektorlaryn ashýǵa kómektesý úshin, PIF (Memlekettik ınvestısııalyq qor) jáne AMC Entertainment kınoteatrdyń ortasyn jáne Saýd Arabııasyndaǵy ınvestısııalar men seriktestik múmkindikterin zertteıdi», deıdi PIF (Memlekettik ınvestısııalyq qor) basshylyǵy taratqan baspasóz derekterinde.
Dúısenbide Saýd Arabııasy úkimeti alǵashqy kınoteatrlar koroldikte fılmderdi naýryz aıynyń basynda kórsete bastaıdy dep jarııalady, bul eldegi yryqtandyrý baǵdarlamasynyń bóligi bolyp tabylady. Demek aldaǵy kúnderde konsertterge, komedııalyq shoýlarǵa jáne áıelderge kólik júrgizýge tyıym salýdy alyp tastaıdy.
Odeon brendiniń ıesi AMC - álemdegi eń iri fılm taratýshy kompanııalardyń biri. AMC álem boıynsha 1 myńǵa jýyq kınoteatr men 11 myń ekranǵa ıe.
Kesheden bastap álem elderiniń iri kıno úıleri Saýd Arabııasynyń naryǵyna kirýge nıet tanyta bastady.
Dýbaıdaǵy VOX Cinemas-qa ıelik etetin Majid Al Futtaim saýda ortalyǵy óziniń alǵashqy kınoteatryn sol jerde ashqysy keletinin aıtty. Saýd koroldigi 2030 jylǵa qaraı 2 myńnan astam ekrany bar 300-den astam kınoteatrlar ashylady dep kútilýde.
Saýd Arabııasy bıligi ekonomıkasyn ártaraptandyrý jáne munaı eksportyna táýeldilikti azaıtý aldaǵy ýaqytta taǵy da biraz jumystardy josparlap otyr. PIF (Memlekettik ınvestısııalyq qor) kóptegen salalarǵa enedi - jyljymaıtyn múlikten bastap tehnologııaǵa, týrızm men qaldyqtardy basqarýǵa ınvestısııa salýǵa daıyn otyr.