Osy jyldyń 3-4 mamyrynda Qyzylorda qalalyq Polısııa basqarmasy patrýldik polısııa batalony qyzmetkerleri júrgizgen reıdtik shara barysynda oblys ortalyǵynan esirtki zatyn saqtaǵan 14 turǵyn ustaldy. Bul týraly oblystyq Polısııa departamentiniń baspasóz qyzmeti habarlaıdy.
Ustalǵandardyń jas shamasy – 26-45 jas aralyǵy. Tekserý barysynda olardan ózine tán ıisi bar shóp tárizdes zat alynǵan. Saraptama qorytyndysy bul zattardyń marıhýana ekenin anyqtady.
Qazirgi ýaqytta barlyq derek boıynsha Qazaqstan Respýblıkasy Qylmystyq kodeksiniń 296-babynyń 2-bóligimen sotqa deıingi tergep-tekserý júrgizip jatyr.