Qarjy naryǵyn retteý jáne damytý agenttiginiń málimetinshe, kontrsıkldik qadaǵalaý saıasaty aıasynda 2020 jyldyń 30 naýryzy men 30 qyrkúıegi aralyǵynda bankterdiń kapıtaly men ótimdiligine qysymdy tómendetý úshin ýaqytsha prýdensıaldyq sharalar engizildi.
«Bul is-sharalar qarjy ınstıtýttarynyń ekonomıkany kredıtteý úshin 168 mlrd teńge nesıe berýge múmkindik berdi. Qazir bankterde 561 mlrd teńge mólsherinde rezervtik býfer bar, ol bólingen qarajatpen birge syrtqy faktorlardyń ekonomıkany nesıeleýge teris áserin azaıtýǵa múmkindik beredi», dep atap ótti.
Qarjy naryǵyn retteý jáne damytý agenttigi Ulttyq Bankpen birge júıede jáne jeke deńgeılerde jaǵymsyz kúızelisterdiń áserine bank sektorynyń sezimtaldyǵyn baǵalaý boıynsha jumys júrgizilip jatqanyn atap ótti. Aktıvterdiń sapasy men kapıtaldyń jetkiliktiliginiń boljamyn qosa alǵanda, olardyń makro-ındıkatorlarǵa áser etýiniń stress-ssenarııleri jasaldy. «Budan basqa, daǵdarystyń qarjylyq turaqtylyqqa áserin azaıtý boıynsha sharalar ázirlenýde, olar ekonomıkadaǵy jaǵdaı damyp, uzaq merzimdi perspektıvada bankterdiń qarjylyq turaqtylyǵyn qoldaýǵa baǵyttalǵan», dep qorytyndylady Qarjy naryǵyn retteý jáne damytý agenttigi.