Elorda ákimi Altaı Kólginov Memleket basshysynyń atynan Uly Otan soǵysynyń ardagerlerin quttyqtady. Batyrlar soǵys jyldaryndaǵy, soǵystan keıingi ómiri týraly estelikterimen bólisti. 95 jastaǵy Barlybaı Tabeshuly Kýrsk shaıqasyna qatysyp, artıllerıst-nysanashy bolyp qyzmet etti. Soǵystan keıingi jyldary muǵalim bolyp jumys istegen. Bul týraly qala ákimdiginiń resmı saıty habarlady.
95-jastaǵy Mıhaıl Vasılevıch soǵys jyldarynda mınomet rotasynyń komandıri bolǵan. Ol Ýkraın, Rýmynııa, Moldavııa, Chehııa, Polsha, Vengrııa, Rýmynııadan ótti. Soǵystan keıingi jyldary ol JEO, temir jol, áýejaı, vokzal jáne t.b. qurylystaryna qatysty.
«Ardagerlerdiń arqasynda beıbit zamanda ómir súrip jatyrmyz. Batyrlarymyzdyń umytylmas erligine bas ıemiz. О́mir jolyńyz barlyǵymyzǵa úlgi-ónege. Jýyrda Ardagerlerdi Elbasy quttyqtady», - dedi qala ákimi Altaı Kólginov.
Elorda ákimdiginiń qyzmetkerleri barlyq ardagerlerdi quttyqtady. Úrmeli aspaptar orkestri soǵys jyldarynyń ánderin ardagerlerdiń aýlalarynda oryndady. Uly Otan soǵysyndaǵy Jeńistiń 75 jyldyǵyna oraı Nur-Sultanda 3 688 adam birjolǵy aqshalaı tólem aldy. Jalpy somasy 180 mln teńgeni qurady. 44 soǵys ardagerine 1 mln teńgeden syıaqy berildi.