Qyzylorda oblysy ákimdiginiń bastamasymen oblystyq jastar saıasaty basqarmasy janynan qurylǵan Maqtaral turǵyndaryna kómek ortalyǵyna jurttyń járdemi úzdiksiz kelip túsip jatyr.
Qoǵam belsendileri, kásipkerler men erikti jastardyń uıymdastyrýymen 6 jáne 9 mamyr kúnderi «Syr jurtynan Maqtaralǵa kómek» uranymen Túrkistan oblysyna gýmanıtarlyq kómektiń alǵashqy legi jetkizilgen bolatyn.
Endi Qarmaqshy, Syrdarııa aýdandary men Baıqońyr qalasy turǵyndarynan jınalǵan jıyrma tórt tonna azyq túlik, 2 tonna jem, 2 tonna kıim-keshek tıelgen 13 avtokólik jolǵa shyqty.
Jalpy 6 mamyrdan bastap syrboıylyqtar Túrkistan oblysyna 68 tonna gýmanıtarlyq kómek jiberdi.