Belgili aýyr atlet Ilıa Ilın búgin Qyzylorda qalasyndaǵy «Muz aıdyny» sport kesheniniń dırektory qyzmetine kiristi.
1988 Qyzylorda qalasynda dúnıege kelgen aýyr atlet 2005, 2006, 2011, 2014 jyldary álemniń tórt dúrkin chempıony ataǵyna ıe boldy.
- Men Tokıo olımpıadasyna qatysýdy aldyma maqsat etken edim. Degenmen atalǵan doda belgili sebepterge baılanysty keıinge shegerildi. Sondyqtan men sportshy retinde kareramdy aıaqtaýdy jón kórdim. Jańa qyzmette sport salasynda menedjment máselesin jan-jaqty meńgersem deımin. Keleshekte bapkerlikke de kelýim múmkin. Ony ýaqyt kórsete jatady, - dedi Ilıa Ilın.
Osyǵan baılanysty arnaıy uıymdastyrylǵan sharada Ilıa Ilınge oblys ákiminiń orynbasary Serik Ahmet aımaq halqy atynan jyly lebiz bildirdi.