Oblysta áleýmettik mańyzy bar azyq-túlik ónimderiniń tapshylyǵyn boldyrmaı, baǵa turaqtylyǵyn qamtamasyz etý baǵytyndaǵy jumystar jalǵasýda. Bul týraly óńirlik kommýnıkasııalar qyzmetinde ótken brıfıngte oblystyq aýyl sharýashylyǵy basqarmasy basshysy Seıilbek Nurymbetov málimdedi.
-Saýda oryndary men qoımalarda jáne turaqtandyrý qorynda 12,4 myń tonna áleýmettik mańyzy bar ónimder qory saqtalyp, satylýda. Onyń ishinde, «Baıqońyr» ÁKK» AQ-nyń turaqtandyrý qorynda 3876,4 tonna ónim bar. Sonymen qatar, tótenshe jaǵdaı engizilýine baılanysty oblys bıýdjetinen 4,3 myń tonna ónim satyp alýǵa qarjy bólindi. Áleýmettik dúkender qajettiligine qaraı otandyq taýaróndirýshilerden 300 tonna kúrish, 100 tonna pııaz, 35 tonna qyryqqabat, 50 tonna sıyr eti satyp alynady, dedi Seıilbek Serǵazyuly.
Buǵan qosa, oblystaǵy kókónis ónimderine tapshylyqty boldyrmaý úshin Túrkistan oblysy men Shymkent qalasy ákimdikterimen erte pisetin kókónis ónimderin kedergisiz jetkizý maqsatynda memorandýmǵa qol qoıyldy.
Sońǵy kúnderi Túrkistan oblysynan 100 tonnaǵa jýyq qyryqqabat jetkizilip, Qyzylorda qalasy men aýdandarda arzan baǵada satyldy.