Oblystyq Polısııa departamenti Esirtki qylmysyna qarsy is-qımyl basqarmasy narkologııa ortalyǵynyń emdelýshileri arasynda «Men saǵan óz ómirim jaıly aıtyp beremin» taqyrybynda shyǵarmashylyq baıqaý uıymdastyryldy. Salaýatty ómir saltyn nasıhattap, jaman ádetten aýlaq bolýǵa úndeıtin shyǵarma jazý baıqaýyna 20 emdelýshi qatysty.
Olardyń arasynda jalpy ómirbaıanyn jazýmen shektelip qalǵandar da kezdesti, óz ómirinde jasaǵan olqylyqtary jaıly baıandaǵandar da joq emes.
Keıbir shyǵarma avtorlary bolmashy qıyndyqqa kúırep, tirshiligin ishimdikke, esirtkige táýeldi etkenine ókinedi.
Kópshiligi ishimdik pen esirtki tyrnaǵyna ilingenge deıin baqytty ómir súrgenin endi túsingenin jetkizgen. «Baqyt degen otbasyńnyń janynda bolyp, jamandyqtan aýlaq júrý» dep baılam jasaǵandar da bar.
Baıqaýdyń barlyq qatysýshylary syılyqtarmen jáne dıplomdarmen marapattalady.