Qazaqstan Respýblıkasy Indýstrııa jáne ınfraqurylymdyq damý mınıstri daǵdarysqa qarsy sharalardy iske asyrý sheńberinde traktorlar men kombaındardy jańartýdy qarjylandyrý boıynsha «Zańdy tulǵalardyń jarǵylyq kapıtalyna memlekettiń qatysýy arqyly bıýdjettik ınvestısııalardy qarjy-ekonomıkalyq negizdeýdiń keıbir máseleleri týraly» № 282 buıryǵyna qol qoıdy. Bul týraly IIDM baspasóz qyzmeti habarlady.
Osy buıryq sheńberinde «QDB-Lızıng» AQ osy jyldyń sońyna deıin ataýly mólsherlemesi 6% jáne lızıngke bastapqy jarnasyz otandyq traktorlar men kombaındardy usynady.
Qazirgi ýaqytta atalmysh baǵdarlamaǵa kelesi tehnıkalar kiredi:
- «Lovol» («Agromashholdıng KZ» AQ), «Versatile» («Qazaqstan Agro Innovasııalyq Korporasııasy» JShS), «Belarýs» («SemAz» JShS, «Kompozıt Grýpp Kazahstan» JShS jáne «Qazaqstan Agro Innovasııalyq Korporasııasy «JShS) jáne» Kıroves «(«Qostanaı traktor zaýyty» JShS») traktorlary;
- «Essil» («Agromashholdıng KZ» AQ), «Acros» («Qazaqstan Agro Innovasııalyq Korporasııasy» JShS, «Kazrost Engineering Ltd» JK), «VECTOR 410 KZ» («Kazrost Engineering Ltd»JK) kombaındary.
Traktorlar men kombaındardyń lızıngine respýblıkalyq bıýdjetten 2018 jyly 3 mlrd teńge, ótken jyly 3,5 mlrd teńge, al bıyl 6,5 mlrd teńge bólingenin aıta ketý kerek.
2018-2020 jyldar aralyǵynda «revolverdi» esepke ala otyryp, jalpy somasy 11,3 mlrd teńgege 175 joba qarjylandyryldy, 456 birlik tehnıka satyp alyndy.
Baǵdarlamaǵa qatysý úshin aýyl sharýashylyǵy tehnıkasyn ónerkásiptik qurastyrý týraly kelisim jasap, tehnıkaǵa beriletin «CT-KZ» sertıfıkatyn Mınıstrlikke tapsyrý kerek.