Qazirgi tańda Maqtaaral aýdany Atakent kentinde ornalasqan ortalyq qoımada 608 tonna azyq-túlik jınalǵan.
Qazirgi tańda Maqtaaral aýdany Atakent kentinde ornalasqan ortalyq qoımada 608 tonna azyq-túlik jınalǵan. Tasqynnan zardap shekken turǵyndarǵa búginde onyń 126 tonnasy úlestirildi. Qoımaǵa kúndelikti Qazaqstannyń ár óńirinen gýmanıtarlyq kómek kelýde. Qazirgi tańda qoımada 200 tonnaǵa jýyq un, 22 tonna et, 70 tonnadaı kókónis, sondaı-aq, kórpe-tósek pen kıim-keshek bar.
Budan bólek, jańadan qurylysy júretin turǵyn úılerge qajetti qurylys materıaldary da jınaqtaldy. Atap aıtqanda, qoımaǵa 20 000 dana kirpish, 100 tonna sement, 700-den astam aǵash, 108 qorap gıpsokarton, qurylys untaqtary kelgen. Atalǵan materıaldar Myrzakenttegi boı kóterip jatqan jańa móltek aýdannyń qurylysyna jumsalady.
Aıta keterligi, «Biz birgemiz» aksııasy aıasynda Maqtaaralǵa Nur-sultan men Almaty qalasy, Almaty jáne Jambyl oblysy, Atyraý, Aqtóbe, Mańǵystaý, Batys jáne Shyǵys Qazaqstan oblystarynan jáne Qazaqstan halyq Assambleıasy tarapynan kómek keldi. Sondaı-aq, jeke kásipkerler men azamattar da atsalysýda.