О́tken jyldyń sońynda «Egemen Qazaqstan» gazeti Qyzylorda oblysy Aral aýdanyndaǵy Sekseýil kentinde oqýshylardyń ortalyqtaǵy mektepke jetýi úshin kúndelikti temir joldan ótip júrgenin jazǵan edi.
Maqalaǵa Memleket basshysy nazar aýdaryp, tıisti oryndarǵa máseleni sheshýdi tapsyrǵan edi. Jaqyn arada bilim oshaǵynyń qurylysy bastalady dep kútilýde.
Oblys ákimi Gúlshara Ábdiqalyqova Aral aýdanyna sapary barysynda osy mektep salynatyn aýmaqqa bardy. Oblys ákimi qurylys jumystaryn sapaly júrgizip, nysandy mejelengen ýaqytynda paıdalanýǵa berýdi tapsyrdy.
Bul máseleni sheshýdi Prezıdent Qasym-Jomart Toqaev tapsyryp, Úkimet naqty sharalar qabyldady. Jańa oqý jylynda, oqýshylar zamanaýı mektepte bilim alady dep senemiz. Qarjysy bólindi. Endi tek jumys jasaý qajet, dedi oblys ákimi.