Jyl saıyn dúnıejúzilik qaýymdastyq 18 mamyrda Halyqaralyq mýzeıler kúnin atap ótedi. 1992 jyly órt kúzeti bólimshesinde ashylǵan órt sóndirýshilerdiń mýzeıi Mańǵystaý oblysy Tótenshe jaǵdaılar departamenti «О́S jáne AQJQ» MM-de №1 Mamandandyrylǵan órt sóndirý bólimshesinde ornalasqan. Mańǵystaý turǵyndary jáne qala qonaqtary mýzeıde ekskýrsııada boldy, dep habarlaıdy Mańǵystaý oblystyq Tótenshe jaǵdaılar departamentiniń baspasóz qyzmeti.
Mýzeıde ekskýrsııadan basqa, jınalystar, konferensııalar, jáne jeke qurammen sabaqtar bolyp turady. Balalarǵa jylda «О́rtten saqtaný» taqyrybynda kórme uıymdastyrylady. Mýzeıge Mańǵystaý oblysy boıynsha ártúrli eksponattar, tarıhı jádigerler, órt kúzetiniń damýy jáne jaǵdaıy týraly qujattar qoıylǵan. Mýzeı eki bólmeden turady – qarapaıym jáne tarıhı zaldardan. Mýzeıdiń negizgi bóliginde órt sóndirýge arnalǵan quraldardyń barlyǵy, órtte tabylǵan zattar, órt kezinde balqyp kúıgen kostıýmderdi tabýǵa bolady.
Balalardyń asa qyzyqtaıtyny dabyl kóterilgen mezgil men jáne úlken órt sóndirý tehnıkalar, órt sóndirý quraldary boldy. Olar tehnıkanyń nemen jabdyqtalǵany, qalaı jumys jasaıtyndyǵyn biledi. О́rt sóndirýshiler óz kezeginde balalarǵa qutqarý quraldaryn, gıdravlıkalyq qaıshy, keńeıtkish qural,, domkrat syndy t.b. zattardy kórsetedi. Balalarǵa mýzeıde ornalasqan kórmelerde turǵan órt sóndirýshilerdiń órt kezinde kıetin arnaıy kıimderi kórsetiledi. Balalar arnaıy kaskany, kıimderdi kıip kórip, órt sóndirýshi bolsam degen oıǵa keledi, deıdi atalǵan departamenttiń baspasóz qyzmetinen G.Hodjabekova.
Mańǵystaý oblysy