Qazaly aýdanynyń ortalyǵy Áıteke bı kentindedegi «Alpamys» balabaqshasynyń ujymy sý tasqynynan zardap shekken Maqtaaral aýdanynyń turǵyndaryna qarjylaı kómek kórsetti.
Elmıra Nurmaǵambetova basshylyq jasaıtyn balabaqsha ujymy qasıetti Ramazan aıynda arnaıy ashylǵan esep shotqa qarjy aýdardy.
Qaıyrymdylyq sharasynan balabaqshanyń ata-analary da qalys qalmapty. Saýapty iske olar da óz úlesterin qosqan.
Kóp uzamaı balabaqsha ujymyna Jetisaı aýdandyq «Zeket qorynyń» jetekshisi Nurqazy Nálibaev qarajattyń bir bóligine Jetisaı qalasyndaǵy №119 mektepte ornalasqan muqtaj otbasylarǵa azyq-túlik pen balalarǵa qajetti zattar alyp berilgenin aıtqan. Bul jerde Maqtaaral aýdanyna qarasty О́rgebas jáne Jeńis aýylynyń turǵyndary jaıǵasqan.
Al qarajattyń qalǵan bóligine taǵy da turǵyndarǵa qajetti zattar alynyp, balabaqsha ujymynyń atynan Jetisaıdaǵy azyq-túlik qoımasyna tapsyrylǵan.