Qurylys kompanııalaryna elordanyń shetki aýmaqtaryna zańsyz qoqys shyǵarǵandarǵa aıyppul salynady. Qala ákimi Altaı Kólginov tıisti jumysty istemegen aýdan ákimderi men ekologııalyq polıseılerge eskertý jasady. Bul týraly elorda ákimdiginiń baspasóz qyzmeti habarlady.
«Naqty oryndardy belgilep, barlyǵyna qurylys qaldyqtaryn qaıda shyǵarý keregin túsindirý qajet. Aýdan ákimderi ekologııalyq polısııamen birlesip, óz aýmaqtaryńyzdy aralap, aýdandaryńyzdy qadaǵalańyzdar! Tártipsiz azamattar qurylys qoqystaryn ruqsat etilmegen jerge jınaýda. Qurylys kompanııalaryn ol úshin jazaǵa tartý kerek», – dedi elorda ákimi Altaı Kólginov.
Osylaısha ekologııalyq polısııa men aýdan ákimderine baqylaýdy kúsheıtip, qurylys qoqystaryn zańsyz tógýge jol bermeý týraly tapsyrma berildi.