Jyl saıyn Syr óńiri jýrnalısteri arasynda nashaqorlyq pen esirtki bıznesine qarsy kúres sharalaryn, qoǵamda osy qaterli ádetke qarsy ımmýnıtet qalyptastyrý baǵytyndaǵy jumystardy kórsetken reportaj jáne maqala saıysy jarııalandy.
Bıyl da bul saıysqa qatysqan jýrnalıster jumystaryn talapqa saı jáne belgilengen merzimde tapsyrdy. Departament bastyǵynyń buıryǵymen bekitilgen komıssııa quramy saıysqa joldanǵan jumystardyń barlyǵymen tanysyp, sheshim shyǵardy.
Buqaralyq aqparat quraldary ókilderiniń eńbegi baǵalanyp, I, II jáne III oryndarmen qatar «Qanatty mıkrofon», «Polısııa daýysy», «Polısııanyń altyn qalamy», «Yntymaqtastyq», «Jas talant», «Shynshyl tilshi» nomınasııalary tapsyryldy.
Baıqaýda baq synap, toptan oza shapqan júldegerler dıplomdarmen jáne baǵaly syılyqtarmen marapattalady.