Memlekettik qyzmetterdi sıfrlyq formatqa kóshirý boıynsha aýqymdy jumys sheńberinde «ınvestısııalardy júzege asyrýdy jáne ınvestısııalyq preferensııalar berýdi kózdeıtin ınvestısııalyq jobany iske asyrýǵa ınvestısııalyq kelisimshart jasasý» memlekettik qyzmeti onlaın formatqa aýystyryldy. Bul týraly Syrtqy ister mınıstrliginiń baspasóz qyzmeti habarlady.
«Osyǵan oraı, alǵash ret Elicense.kz portaly arqyly onlaın-rejımde ınvestısııalyq kelisimshart jasaldy. Kelisim-shart «Kaz Solar 50» kompanııasymen jasaldy, ol «Solarnet Investment GmbH» nemis kompanııasymen birlesip Qaraǵandy oblysynyń aýmaǵynda 5 mlrd teńgeden astam somaǵa JEK salasynda qýaty 26 MVt quraıtyn jobany júzege asyrady.
Onlaın formatta ınvestısııalyq kelisim-sharttardy jasaý úshin tehnıkalyq múmkindik jasaý birqatar ózgeristerge jol ashatyn bolady. Olardyń qatarynda memleket pen bıznes-qaýymdastyǵy arasyndaǵy tıimdi ózara is-qımyldy qamtamasyz etýge múmkindik beretin ótinim berý prosesin ońtaılandyrý jáne ony kelisý, lısenzııalaý prosesterin, ruqsat berý qujattaryn avtomattandyrý máseleleri bar.
Sonymen qatar qyzmet kórsetý ýaqyty da qysqartyldy: búgingi kúni ol 27 jumys kúnin quraıdy. Paıdalanýshylyq ınterfeıs qyzmetterdi avtomattandyrýǵa qoıylatyn talaptarǵa sáıkes qyzmet alý qolaılylyǵy qarastyrylyp, memlekettik organdarǵa óz betinshe júginý qajettiligi joıyldy.
Mundaı servısterdiń paıda bolýy jáne rásimderdi ońtaılandyrý Qazaqstannyń ınvestorlar aldyndaǵy básekelestik artyqshylyǵyn qýattaıdy» delingen habarlamada.