«Samuryq-Energo» AQ 2020 jyly óziniń shyǵystaryn 18,5 mlrd teńgege qysqartpaq. Bul jerde sóz aǵymdaǵy shyǵystardy da, kúrdeli sıpattaǵy shyǵystardy da ońtaılandyrý týraly bolyp otyr.
Qysqartý jónindegi ic-sharalar «Samuryq-Qazyna» UÁQ» AQ-nyń basqarma tóraǵasy Ahmetjan Esimovtiń «Samuryq-Qazyna» AQ-nyń jedel shtaby otyrysynda bergen tapsyrmalaryn oryndaý aıasynda iske asyrylýda.
Osy jylǵy naýryzda Qordyń top-menedjmenti men portfeldik kompanııalardyń basshylary qalyptasqan kúrdeli halyqaralyq jaǵdaıdy eskere otyryp, iske asyrylǵan jáne bolýy yqtımal táýekelderdi nazarǵa alý mehanızmderin talqylaǵany belgili. Otyrys qorytyndysy boıynsha «Samuryq-Qazynanyń» quramyna kiretin kompanııalardyń aldyna keń aýqymdy mindetter qoıylyp, naqty tapsyrmalar berilgen bolatyn, solardyń qatarynda – ózderiniń óndiristik qyzmetine tikeleı áser etpeıtin shyǵystardy qysqartý bar.
Operasııalyq shyǵystarmen qatar, kompanııa kúrdeli sıpattaǵy shyǵystaryn da qaıta qarady, bular boıynsha ońtaılandyrý 15,8 mlrd teńgeni nemese jalpy ınvestısııalyq shyǵystardyń 13%-in quraıdy. Mynalar ońtaılandyryldy:
- Investısııalyq jobalar, somasy 9,3 mlrd teńge;
- О́ndiristik aktıvterdi jumys babynda ustaýǵa ketetin shyǵystar – 2,3 mlrd teńge, ákimshilik aktıvterdi ustaýǵa ketetin shyǵystar – 36 mln teńge;
- О́zge de kúrdeli shyǵystar 4,2 mlrd teńge mólsherinde.
Búgingi kúni Korporatıvtik ortalyqtyń 30% qyzmetkerleri qashyqtan jumys isteýge kóshirilgen.
Tutas alǵanda, «Samuryq-Energo» AQ-nyń elektr energetıkasy jáne kómir óndirý salalaryndaǵy jumysy qazirgi kezde shtattyq rejimde iske asyrylýda.