«Sálem! Sóılesýge yńǵaıly ma?» Osy sóılemnen Forte-niń jańa ónimderi men servısteriniń jyl saıynǵy tusaýkeseri bastaldy.
Bıyl Forte jańa formatta prezentasııa jasap, ony Forte Digital Week dep atady. Qazaqstandyqtar ómir súrýdi jeńildetetin jańa ónimder men jańartylǵan banktik qyzmettermen onlaın rejımde tanysty. Forte-niń ekojúıesi únemi jańa qyzmettermen jáne servıstermen tolyqtyrylyp otyrady. Sondyqtan da banktik emes ónimderdiń túrleri únemi keńeıip otyrady.
«ForteMarket sandyq dúkeni kishigirim elektronıkadan bastap, úı jıhazdaryna deıin myńdaǵan túrli ónimderdi satady, ForteTravel – saıahattar men áýe bıletterin satyp alý qyzmetterin usynatyn sandyq qurylǵy. Osy dúnıeler arqyly klıentterimiz kóptegen jańalyqpen tanysty. Al búgin banktik ónimderge qatysy joq erekshe ónimimizdi qýanyshpen usynbaqpyz. Al onyń kómegimen sóılesýge óte yńǵaıly, ol – bizdiń ForteMobile jańa uıaly baılanysymyz», - deıdi ForteBank basqarmasynyń tóraǵasy Gýram Andronıkashvılı.
Forte-niń eksklıýzıvti uıaly baılanysy eki tarıfpen usynylady, ataýlary tólem kartochkalary túrinen alynǵan – Gold jáne Platinum.
«Biz seriktesimiz Beeline Qazaqstanmen birge keremet usynystar jasap otyrmyz. Bizdiń tarıfterimizben mınýttar men ınternettiń jetispeýshiligin sezinbeısiz. Eger tutynýshy bizdiń banktik ónimderimizdi belsendi qoldanatyn bolsa, biregeı bonýstar men qyzmetterge qol jetkizedi», - deıdi joba menedjeri Alena Ahmetova.
Qyzmetter qataryna shyǵys qońyraýlarǵa arnalǵan aqysyz mınýttar, ınternet-trafıkter, sonymen qatar áleýmettik jeliler, lezdik habarlamalar, KAZNET jáne basqa da qyzmetterge shekteýsiz trafıkter kiredi eken.
Tarıfterdiń taǵy bir artyqshylyǵy – ForteMobile abonentteri men Beeline Qazaqstan seriktesi arasyndaǵy tegin qońyraýlar.
Jańa uıaly baılanysta eshkimde joq taǵy bir qyzmet bar, ol – banktik qoldaý qyzmetine aqysyz roýmıng qońyraýlary. Aıtpaqshy, mobıdik qosymsha ınternet-trafıksiz, ıaǵnı aqysyz jumys isteıdi. Máselen, sizge saparǵa barý úshin kartadaǵy lımıtti ulǵaıtý nemese jaqyn adamdaryńyzǵa aqsha aýdarý qajet bolsa, ǵalamtor kózin paıdalanýdyń qajeti joq.
ForteMobile kómegimen kez-kelgen elden ForteBank-qa +7 705 921-21-21 nómirindegi operatorǵa qońyraý shalyp, ózińiz qalaǵanyńyzsha sóılesýge bolady, ýaqytqa shekteý joq.
Bank klıentteri úshin jaǵymdy bonýs – eger ForteBank tólem kartasymen aıyna 100 000 teńge nemese odan kóp mólsherde tólem jasalsa, uıaly baılanys úshin abonenttik tólem alynbaıdy.
Banktiń Nur-Sultan jáne Almaty qalalaryndaǵy kez kelgen bólimshesi arqyly Fortimobile nómirin resimdeýge nemese óz nómirińizdi Fortimobile nómirine portasııalaýǵa bolady.
Abonenttiń nómiri men karta nómiri birdeı bolǵan kezde ForteMobile SIM kartasy men ForteBank tólem kartochkasynan turatyn shekteýli jıyntyq usynylady.
Jańa uıaly baılanys qyzmetiniń iske qosylý qurmetine Forte kishkene syılyqtar daıyndady. https://mobile.forte.kz/ saıtymen ForteMobile SIM kartalaryna tapsyrys bergenderdiń báriniń úılerine jetkiziledi. Erteń saǵat 15:00-de Forte Digital aptalyǵynyń ekinshi kúni ótedi, onda da kóptegen qyzyqty jańalyqtar men syılyqtar bar.