Jumys ornyn kóp ashqan ákim qyzmetinde qalady

Pandemııa saldarynan buryn-sońdy bolyp kórmegen joıqyn daǵdarys tusynda buǵan deıingi tájirıbede ózin-ózi tolyǵymen aqtaǵan baǵdarlamanyń ekinshi tynysy ashylyp otyrǵany qýanyshty jaıt. Ári 2020-2021 jyldary turǵyndardy jumyspen qamtýda áleýmet­tik mańyzy óte joǵary iske respýblıka boıynsha taba­ny kúrekteı 1 trln teńge bólingeni de atap aıtýǵa turar­lyq másele.

Al Aqtóbe oblysynda qa­ı­­tadan jańǵyrtylǵan jol kartasyna sáıkes bólin­gen qarajattyń mólsheri 46,3 mlrd teńgeni quraı­dy. Bul qomaqty soma ár túrli sıpattaǵy 302 jobany júzege asyrýǵa negiz qalaıdy. Ári shamamen 12 myńǵa jýyq jańa jumys ornynyń ashylýy­na septigin tıgizbek. Muny az deýge de, kóp deýge de bolmaıdy. Belgilengen jumys oryn­darynyń basym kópshiligi ýaqytsha bolsa, onyń belgili bir bóligin turaqty jumys oryndary quramaq.

Qazirgi tańda kórsetilgen 302 jobaǵa túgelge derlik kon­kýrs jarııalanǵan. So­nyń ishinde 262 jobanyń merdi­gerleri anyqtalypty. Al 202 joba boıynsha jumys bastalyp ketken. Sonymen bir mezgilde 680 jumys orny ashylyp, jumyssyz júr­gen turǵyndardyń qaba­ǵy­na qýanysh uıalatqan. Bul jó­ninde gazet tilshisine Aqtóbe oblysy ákiminiń orynbasary Rýslan Hambarov aıtyp berdi. Osylaısha, taıaý ýaqytta 12 myńǵa jýyq adam belgilengen jumys túrlerine tolyqtaı tartylyp, ony jyl sońyna deıin atqaratyn bolady. Jumyspen qamtýdyń jol kartasy baǵdarlamasy aıasynda 500 jumys orny turaqty túrde saqtalyp qalady dedi oblys ákiminiń orynbasary.

Búgingi kúni óńirde tur­ǵyn­­dardy jumys­pen qamtý men jańa jumys oryndaryn ashý isi jergilikti atqarý­­shy organ­dardyń basty min­det­teriniń biri­ne aına­lyp keledi. Aýdan­darda jáne aýyldar men iri eldi-meken­derde turǵyn­dar­dyń jańa kásip­terdi ıgerýine tıisti jaǵ­­daı týǵyzý, na­ryq­tyq qarym-qatynastar talap etken mamandyqtarǵa qaı­ta ázir­­leý, aýyl jáne aýdan ákim­­derine jaýapty mindetter júk­­teıdi. Olardyń qyzmeti alda­­ǵy ýaqytta atalǵan isti qan­­sha­lyqty deńgeıde uıym­das­­tyra bilýimen baǵalanbaq.

Oblys aýdandary eko­no­­mı­ka­­synyń basym bóli­gin aýyl­­ sharýashylyǵy salasy qu­­raıdy. Ári bul salany bız­nesti damytýdyń bir kózi dep qarastyrýǵa da bolady. Osy oraıda bul sektordy odan ári damytýǵa sal­dyr-salaq qara­ǵan, ári aýyl­ sharýa­­shyly­ǵy óndi­risiniń uıymdas­tyrý isinde bilik­tilik pen kásibı­lik tanyta almaǵan ákimder­diń óz oryn­daryn bosatý yqtımal­dyǵy joǵary. Bir sózben aıt­qanda, aýdan jáne aýyl ákim­deriniń qyzmeti jańa jumys oryn­daryn qura bilýimen ól­shen­bek. Mine, Aqtóbe obly­sy­nyń ákimi Ońdasyn Oraza­lın­niń bul baǵyttaǵy basty us­tanymy osyndaı bolyp otyr.

Aqtóbe oblysy