SpaceX basshysy Ilon Mask NASA-daǵy translıasııa barysynda ishinde ushqyshy bar Crew Dragon korabliniń ǵaryshqa ushyrylýyn «adamdardyń mýltıplanetalyq túrge aınalýy baǵytynda jasalǵan birinshi qadamy», - dep baǵalady.
Bul korabldi adam jasady jáne adamdar úshin jasady. «Men dál osy sátterde basymyzdan ótip jatqan oqıǵany adamzat maqtanysh etedi dep oılaımyn», - degen ol Crew Dragon-niń ushyrylýy kóńili zertteýshilikke buratyn árbir adamdy beı-jaı qaldyrmaıtyndyǵyn jetkizdi. Ilon Mask óziniń erekshe sezimde ekenin jasyrmady.Sonymen qatar ol «jeńisti» jarııalaýǵa áli erte ekenin málimdedi. Endi SpaceX aldynda astronavtardy Jerge aman-esen qondyrý mindeti tur. Sonan keıin mundaı ushýlardy jıiletý qajet.SpaceX ıesi ózine qoıylǵan suraqtarǵa jaýap berdi. «Aıǵa qaraı ushý bola ma jáne ol qashan bolady?», - degen suraqqa: «Men mundaı sapardyń eki jyldan keıin júzege asýyn qalar edim, biraq ol is júzinde tórt jyldan keıin de oryndalýy múmkin», - dep jaýap berdi.