Qazaqstanda 63 myń úıirme men 1200 qosymsha bilim beretin uıym jumys isteıdi. Bul týraly Bilim jáne ǵylym mınıstri Ashat Aımaǵambetov Facebook paraqshasynda jazdy.
«Qazaqstanda 63 myń úıirme men 1200 qosymsha bilim beretin uıym jumys isteıdi. Qazir Oqýshylar saraılary, balalar tehnoparkteri, úıirmeler men óner mektepteri jáne taǵy basqa jelisin odan ári ulǵaıtý mindeti tur», dep jazdy Ashat Aımaǵambetov.
Onyń aıtýynsha, Qaraǵandy, Kókshetaý, Túrkistan, Qyzylorda jáne ShQO sııaqty birneshe óńirde mundaı ortalyqtardyń qurylysy bastalǵan. Al Almaty qalasynda qaıta jóndeý jumystary júrgizilip jatyr. Basqa óńirlerde de atalǵan baǵyt boıynsha jumys atqarylýda.