Covid-19 pandemııasy kezinde turǵyndardyń kóńil kúıin kóterý úshin Japonııa aspanynda kútpegen jerden otshashýlar atyldy. Bul týraly BBC agenttigi habarlady.
Uıymdastyrýshylar adamdardyń toppen jınalmaýy úshin keshki saǵat 20:00-den bastap feıerverkti eldiń qupııa aımaqtarynda jasaǵan. Alǵashynda olar otshashýdyń qaı kúni bolatynyn jáne ýaqytyn jasyryn qaldyrýǵa bekingen. Biraq keleńsizdik týyndamas úshin ótetin jerinen basqa aqparatty aıtýǵa týra kelgen.
Aspan jap-jaryq bolǵan sátte feıerverktiń bolatynynan habarsyz bolǵan turǵyndar úılerinen tamashalap úlgerýi úshin otshashý aıtarlyqtaı uzaq ýaqytqa sozyldy.
Degenmen, ótetin aımaqty qansha jerden qupııa ustaǵanyna qaramastan Japonııa astananasynda kóshe kezgen adamnyń qarasy kóp bolǵan.
2020 jyly ótýi tıis Tokıo olımpıadasynyń keıinge qaldyrylýy otshashý óndirisine aıtarlyqtaı zalalyn tıgizdi. Qanshama aılar boıy daıyndalǵan otshashýlardy satý ıelerine qıyn soǵyp tur.