Qaraǵandy oblysynda ótken táýlik ishinde 24 adamnyń koronavırýs ınfeksııasyn juqtyrǵany zerthanalyq negizde rastaldy, dep habarlady oblys ákiminiń baspasóz qyzmeti.
Pasıentter osyǵan deıin KVI juqtyrǵandarmen qarym-qatynasta bolǵandar arasynan jáne skrınıng barysynda anyqtaldy. Olardyń 12-i Qaraǵandy qalasynan jáne 12 adam Temirtaýdyń turǵyndary.
Infeksııalyq stasıonarǵa jatqyzylǵan naýqastardyń densaýlyq jaǵdaıy qanaǵattanarlyq dárejede. Olar tıisti em-domdy qabyldap jatyr.
Juqtyrý oshaqtarynda dezınfeksııalyq jumystar júrgizildi.
Sońǵy túsken málimetterge saı, Qaraǵandy oblysynda KVI juqtyrýdyń 956 oqıǵasy tirkelgen. Onyń ishinde úsh naýqas indetten kóz jumdy jáne 255 adam jazylyp shyqty.
Qaraǵandy oblysy