Qazaqtyń tuńǵysh zań magıstri Jaqyp Aqbaıuly paıdalanǵan jez samaýryn Qarqaraly tarıhı-ólketaný mýzeıiniń tórinde tur. Tarıhı qundylyǵy joǵary jádiger Reseıdiń Týla qalasyndaǵy kópes Vasılıı Batashevtiń samaýryn fabrıkasynda 1896 jyly jasalǵan eken.
Jaqyp Aqbaıulynyń Qarqaralynyń ataqty baıy, tatar kópesi Halıolla Bekmetovtiń kúıeý balasy ekeni belgili. Zańger onyń Gúlbahar degen qyzyna úılengen.
«Samaýryn Qoıandy jármeńkesinen satyp alynǵan bolý kerek. Bul jádigerdi Qarqaraly mýzeıine 2008 jyly Jaqyp Aqbaıulynyń týysqandary tapsyrǵan», deıdi Qarqaraly murajaıynyń qyzmetkeri Sátbek Slambekov.
Bul samaýryn týrasynda el ishinde mynadaı ańyzǵa bergisiz áńgime bar. Kezinde Qarqaralynyń baı-baǵlandary men kópesteri bástesip, «Kimdiki tez qaınaıdy?», dep samaýryndaryn qaǵaz aqshamen qaınatatyn kórinedi. Sonda kópes Halıolla Bekmetovtiń osy sýrettegi samaýryny birinshi bolyp qaınap, ol bástiń sharty boıynsha Qoıandy jármeńkesiniń bir jylǵa bas aksıoneri bolypty.
Qaraǵandy oblysy