Avtomobıl joldary komıteti 2020 jylǵy 8 jáne 12 maýsym aralyǵynda «Respýblıkalyq mańyzy bar «Qyzylorda-Pavlodar-Ýspenka-RF shekarasy» avtomobıl jolynyń uzyndyǵy 412 shaqyrymdy quraıtyn «Qyzylorda-Jezqazǵan» (12-424 shaqyrymy) ýchaskesin qaıta jańartý» jobasynyń tehnıkalyq-ekonomıkalyq negizdemesi men «Qorshaǵan ortaǵa áser etýdiń aldyn ala baǵasy» jobasyn ashyq jınalysta talqylaý maqsatynda qoǵamdyq tyńdaýlardy ótkizedi. Bul týraly IIDM baspasóz qyzmeti habarlady.
Qyzylorda oblysynda qoǵamdyq tyńdaýdy ótkizý merzimderi men oryndary:
- 2020 jylǵy 11 maýsym, saǵat 16:00-de, Qyzylorda qalasy, Dostyq úıi ǵımaraty, Altynsarın kóshesi.
- 2020 jylǵy 12 maýsym, saǵat 10:00-de, Syrdarııa aýdany, Tereńózek eldi mekeni, Mádenıet úıi ǵımaraty, D. Qonaev kóshesi, 8.
- 2020 jylǵy 12 maýsym, saǵat 16:00-te, Shıeli aýdany, Shıeli eldi mekeni, «Arman» mádenıet úıi, Kókshoqy shaǵyn aýdany.
Qaraǵandy oblysynda qoǵamdyq tyńdaýdy ótkizý merzimderi men oryndary:
- 2020 jylǵy 8 maýsym, saǵat 11:00-de, Jezqazǵan qalasy, «NurOtan» partııasynyń Jezqazǵan qalasy boıynsha fılıalynyń ǵımaraty, Ǵaryshkerler jelekjoly, 35.
- 2020 jylǵy 8 maýsym, saǵat 16:00-de, Talap selosy, №14 mekteptiń ǵımaraty, Molodejnaıa kóshesi.
- 2020 jylǵy 9 maýsym, saǵat 10:00-de, Ulytaý aýdany, Ulytaý selosy, Abaı kóshesi, 27.
- 2020 jylǵy 9 maýsym, saǵat 17:00-de, Ulytaý aýdany, Mıbulaq selolyq okrýgy, Mıbulaq selosy, klýb ǵımaraty.
Sondaı-aq Qyzylorda jáne Qaraǵandy oblystarynda 2020 jylǵy 16 mamyr men 22 maýsym aralyǵynda saýalnama túrindegi qoǵamdyq tyńdaýlardyń ótip jatqandyǵyn eske salamyz. Qoǵam ókilderi tarapynan usynystar men shaǵymdar elektrondy túrde qabyldanýda.
Saýalnama Qyzylorda oblysynda 2020 jylǵy 16 mamyr men 13 maýsym aralyǵynda, Qaraǵandy oblysynda 2020 jylǵy 22 mamyr men 22 maýsym aralyǵynda ótedi.