18 jastaǵy ıtalıandyq jas jigit koronavırýstyq ınfeksııadan ókpesinen aıyrylǵan. Bul aqparatty habarlaǵan ANSA agenttigi alǵashqy operasııa ekendigin eskertti.
Operasııa Mılan qalasyndaǵy aýrýhanada Ulttyq transplanttaý ortalyǵymen, aımaqtyq transplantasııa ortalyǵymen jáne Soltústik Italııa transplantasııalaý baǵdarlamasymen úılestirildi.
Franchesko esimdi jigitte koronavırýstyq ınfeksııanyń belgileri 2 naýryzda paıda bola bastady, al 6 naýryzda ol Mılandaǵy San-Raffaele aýrýhanasyna qarqyndy terapııaǵa ornalastyryldy. Eki kúnnen keıin ol ıntýbasııalandy, al 23 naýryzda ol júrek-ókpe apparatyna qosyldy. Soǵan qaramastan, koronavırýstyq ınfeksııanyń aýyr túri aıasynda onyń ókpeleri jumysyn toqtatty. Sáýir aıynyń ortasynda San-Rafael dárigerleri naýqasty jańa ókpemen transplantasııalaý týraly sheshim qabyldady.
18 mamyrda Mılanda ókpe transplantasııasy jasalynǵannan birneshe kún ótken soń, dál osyndaı operasııa Venada jasalǵan bolatyn.
30 sáýirde jigittiń esimi jedel ókpe transplantasııasy úshin taǵaıyndaldy, arada eki apta ótkende donor tabyldy.
Memlekettik ýnıversıtettiń keýde hırýrgııasy mektebiniń jetekshisi Marıo Nozottıdiń aıtýynsha, operasııa óte qıyn boldy, endi jas jigitke uzaq ýaqyttyq ońaltý rásiminen ótýge týra keledi.