Memleket basshysy ótkizgen jıynǵa Ulttyq qaýipsizdik komıteti ortalyq apparatynyń jáne aımaqtyq bólimsheleriniń basqarýshy quramy qatysty. Bul týraly Aqordanyń baspasóz qyzmeti habarlady.
Jıyn aldynda Qasym-Jomart Toqaev qyzmettik mindetterin atqarý kezinde qaza bolǵan UQK organdary qyzmetkerlerin eske alýǵa arnalǵan stelaǵa gúl shoqtaryn qoıdy. Sondaı-aq UQK ortalyq apparatynyń 2017 jyly qaıta jóndeýden ótken mýzeıindegi Táýelsizdik alǵan sátten bergi Komıtettiń damý tarıhyn qamtıtyn ekspozısııany kórdi.
Otyrys barysynda Qazaqstan Prezıdenti UQK Tóraǵasy Kárim Másimovtiń baıandamasyn, Komıtettiń qurylymdyq jáne aımaqtyq organdary basshylarynyń esebin tyńdady.
Jıyn sońynda Memleket basshysy Ulttyq qaýipsizdik júıesin odan ári jetildirý maqsatynda birqatar naqty tapsyrma berdi.