Shymkentte eki túrli úlgide 260 jańa aıaldama ornatylmaq, - dep habarlaıdy qala ákiminiń baspasóz qyzmeti.
Ornatylatyn kishkentaı aıaldamanyń quny 900 myń teńge bolsa, úlkeni 2 mıllıon teńgeni quraıdy. Kishi aıaldamalardy jolaýshysy az mekenderge qoıý josparlanýda. Jańa aıaldamalar burynǵysynan synbaıtyn terezelerimen erekshelenedi.
Sondaı-aq aıaldamalardyń eni buryn 60 sm bolsa, qazirgisi 40 sm bolyp qysqarady. Onyń sebebi belgili bir turǵylyqty jaıy joq azamattar aıaldamany panalamaýy úshin jasalǵan.
Qoǵamdyq kólik júıesin jańartý kezinde atqarylǵan jumys nátıjesi shalǵaı eldimekenderge áli de bolsa 1200 qoǵamdyq kólik aıaldamasy qajet ekenin kórsetti. Bul másele aldaǵy 4-5 jyl ishinde kezeń-kezeńimen sheshiletin bolady.