Mádenıet jáne sport mınıstri Aqtoty Raıymqulova halyq aldynda esep berý kezdesýinde Túrkistan qalasyndaǵy qalpyna keltirilip jatqan aýqymdy jumystar jaıynda aıtty.
- Tuńǵysh Prezıdent – Elbasy N.Á. Nazarbaevtyń Jarlyǵymen kóptegen ǵasyrlar boıy búkil túrki áleminiń saıası jáne rýhanı ómiriniń júregi bolǵan Túrkistan oblysy jańadan quryldy. Osy tarıhı sheshimniń aıasynda búginde Túrkistan qalasyndaǵy aýqymdy qalpyna keltirý jumystary júrgizilýde. Búgingi kúni Túrkistan qalasynyń tarıhı bóligindegi qurylys jáne qalpyna keltirý jumystary júrip jatyr, olardyń ishinde: H.A. Iаssaýı mýzeıi, «Uly Dala Eli» ortalyǵy, mýzyka mektebi, kitaphana, qolóner ortalyǵy, saraı kerýeni, vızıt-ortalyǵy, sport obektileri sııaqty jańa obektiler boı kóterip keledi, - dedi Aqtoty Raıymqulova.
Sondaı-aq ol Qoja Ahmet Iаsaýı kesenesi ornalasqan Túrkistan qalashyǵyn qalpyna keltirý boıynsha qarqyndy jumystar jalǵasyp jatqanyn atap ótti.
- Mınıstrlikpen 2019-2021 jyldar kezeńinde qalashyqtyń shynaıy kelbetin tolyq qalpyna keltire otyryp, 88,7 gektar alańda 17 nysandy konservasııalaý, mýzeılendirý jáne qorǵaý aımaǵynyń aýmaǵyn abattandyrý Josparynyń jobasyn ázirledi. Onyń ishinde «Kúltóbe» arheologııalyq eskertkishine álemdik arheologııalyq park retinde jan-jaqty zertteý jumystary júrgizilýde. Qala ómiriniń rýhy men turmysyn tolyq berý jáne obektini buqaralyq kelýshiler, qajylar men halyqaralyq týrıster úshin joǵary qyzyǵýshylyq orny etý josparlanýda. Sondaı-aq «Saýran», «Iаssy», «Saraıshyq», «Balasaǵun», «Bozoq» ortaǵasyrlyq qalashyqtaryn qalpyna keltirý jumystary júrgizilýde, - dedi mınıstr.