Mektep dırektory Medǵat Manapovtyń aıtýynsha, mektepte balalarǵa qosymsha bilim berý negizinde halyqtyq, estradalyq, klassıkalyq baǵytta 14 mamandyq boıynsha oqytý júrgiziledi.
Zamanaýı úlgidegi akýstıkalyq ereksheligi saqtalǵan kabınetter - 300 oryndyq úlken zal men 40 oryndyq kishi zal, jeke jáne toptyq sabaqtarǵa arnalǵan kabınetter bar. Sońǵy eki jylda 15 jas mýzykant maman kelgen. Jas muǵalim Dinıslam Tólbaev oqýshylar úshin mýzykalyq ádebıet pánderi boıynsha arnaıy joba ázirlegen.
Bul joba onlaın testileýmen baılanysty. Oqýshylar árbir sabaq boıynsha jańa taqyryptan keıin testileýden suraqqa jaýap berip, baǵa qoıylady jáne qatemen jumys júrgiziledi. Oqýshylar týraly barlyq málimet pedagogtyń kompıýterinde saqtalady.
Al ekinshisi-WhatsApp arqyly árbir topqa silteme jiberiledi. Oqýshylar árbir úlgini tyńdap shyǵady. Platformada mýzykalyq vıktorına uıymdastyrylady. Sondaı-aq, mektepte «Uly dalanyń jeti qyry», «Dala folklory men mýzykasynyń myń jyly», «Uly dalanyń áýeni» mekteptiń baǵdarlamasy boıynsha sabaqtar ótedi.
Folklor kabıneti «Rýhanı jańǵyrý» «Uly dala áýeni» dala folklorynyń 1000 jyldyǵy aıasyndy ashylǵan. Munda 200-ge jýyq án qory saqtalǵan. Qorda turmys-salt ánderi, Kenjeǵalı Myrjaqbaıdyń Abaı ánderine jazǵan, Kúlásh Baıseıitova, Roza Baǵlanova, Bıbigúl Tólegenova sııaqty ánshileriniń aýdıojazbalary saqtalǵan. Bul qordy kez kelgen oqýshy men oqytýshy, qaladaǵy mýzyka zertteýshi, ǵylymı jumyspen aınalysatyn oqýshylar paıdalana alady. Sonymen qatar qordaǵy 1939 jyly jazylǵan Dına Nurpeıisovanyń kúıiniń orıgınalyn tyńdaýǵa bolady.
Abaıdyń 175 jyldyǵy, Ábý-Nasyr ál-Farabıdiń 1150 jyldyǵy men Altyn Ordanyń 750 jyldyǵyna arnalǵan is sharalar jospary ázirlenýde. Jýyrda «Dala folklory» aıasynda folkor ansambli qurylyp, kıim tigildi jáne reperýtar tańdalǵan.
Ekibastuz qalasy