13 maýsymda AQSh-tyń Las-Vegas qalasynda aralas jekpe-jekten UFC týrnıri ótetini belgili. Sol jarysta kimderdiń kúsh synasatyny tolyqtaı anyqtaldy.
Qazaqstandyq jankúıerlerdiń nazary Marııa Agapova aýyp otyrǵany sózsiz. 23 jastaǵy jerlesimiz osy kúnge deıin 9 kezdesý ótkizip, 8 ret jeńiske jetti. Byltyr 30 shilede ol amerıkalyq Treısı Kortezden upaı sanymen utylǵan bolatyn. Odan keıingi eki jekpe-jegin Agapova jeńispen aıaqtady. AQSh sportshysy Aleksa Konners «qylqyndyrý» ádisimen utsa, brazılııalyq Marılııa Santosty shyntaqpen uryp qulatty.
Las-Vegasta Marııa Agapova Melıssa Gattomen kúsh synasady. Brazııalııanyń ókili osyǵan deıingi bes kezdesýin jeńispen aıaqtap, eki básekede teń esep tirkelgen edi. Sońǵy ret ol osydan eki jyl buryn óziniń otandasy Karolın Roza Kavedomen aıqasyp, aıqyn basymdyqpen utty.
13 maýsymda ótetin aıtýly jekpe-jek týrnıriniń tolyq kardy mynadaı:
Djessıka Aı – Sıntııa Kalvılo
Karl Roberson – Marvın Vettorı
Andre Fılı – Charlz Jýrden
Reı Borg – Merab Dvalıshvılı
Mark De La Rosa – Djordan Espınosa
Marııa Agapova – Melıssa Gatto
Kevın Agılar – Charlz Roza
Djýlııa Avıla – Djına Mazanı
Raıan Benýa – Taıson Nem
Djordan Grıffın – Derrık Mıner