Osydan týra bes jyl buryn, ıaǵnı 2015 jyldyń 6 maýsymynda Reseıdiń dańqty sportshysy, semserlesýden talaı bıik belesterdi baǵyndyrǵan Sergeı Sharıkov jol apatynan qaıtys bolǵan edi...
Aıtýly sportshynyń qol jetkizgen tabystary qomaqty. 1996 jyly Atlanta Olımpıadasynda altyn men kúmis alsa, 2000 jyly Sıdneıde bas júldeni oljalady. 2004 jyly Afınyda qolaǵa qol sozdy. Álem chempıonattarynda 3 altyn, 2 kúmis jáne 2 qola medaldi ıelendi. Eýropa birinshiliginde 5 altyn, 1 kúmis jáne 2 qolany qorjynǵa saldy. Dúnıejúzilik Ýnıversıadada eki ret teńdessiz dep tanyldy.
2015 jyldyń 6 maýsymynda Kalýga oblysy aýmaǵynda kvadrosıkldi tizgindegen dańqty sportshy qarsy baǵytqa shyǵyp ketip, zymyrap kele jatqan kólikpen soqtyǵysady. Sol jerde ol jan tásilim etti. Sergeı Sharıkov nebary 40 jasta edi...