5 maýsymda Pýtradjaıa qalasynda Elshi Bolat Imanbaev Malaızııanyń kórnekti memleket qaıratkeri Mahathır Mohamadpen kezdesti. Bul týraly SIM baspasóz qyzmeti habarlady.
Elshi suhbattasýshyǵa ekijaqty qarym-qatynastardyń qazirgi ahýaly týraly habarlap, Qazaqstan saıasatynyń basymdyqtarymen tanystyryp ótti. Sonymen birge, elimizdiń barlyq salalaryndaǵy sabaqtastyq saıasatyna sáıkes Qazaqstan Respýblıkasy Prezıdenti Q.Toqaevtyń júzege asyryp jatqan saıası ózgerister men ekonomıkalyq reformalardyń mańyzdylyǵy atlyp ótti.
О́z kezeginde M.Mohamad 1992 jyly dıplomatııalyq qatynastar ornaǵannan beri ekijaqty yntymaqtastyq qarqyndy damyp kele jatqandyǵyn atap ótti. M.Mohamad Qazaqstan Malaızııa úshin erekshe qyzyǵýshylyq tanytatynyn jáne eki el arasyndaǵy túrli salalardaǵy yntymaqtastyq zor áleýetke ıe ekendigine nazar aýdardy. Burynǵy Premer-mınıstr Qazaqstan Respýblıkasynyń Tuńǵysh Prezıdenti N.Nazarbaevpen joǵary deńgeıdegi jáne halyqaralyq is-sharalar sheńberindegi ózara saparlardyń aıasynda ótken kezdesýlerdi jyly yqylaspen eske aldy. Sonymen qatar, Elbasynyń kele jatqan mereıtoıyna baılanysty izgi tilekterin jetkizip, Qazaqstan halqyna odan ári gúldenýdi tiledi.