Kanadanyń Vankýver qalasynyń ǵalymdary jaqynda «Tıtanıktiń» apatqa ushyraýynyń jańa sebebin jurtshylyqqa usyndy. Olar muny Sky and Telescope jýrnalynda jarııalady. Bul týraly Lenta.ru habarlady.
Zertteýshiler jumys sheńberinde 1912 jyly 1400 jylda bir ret qaıtalanatyn aspan deneleriniń zeńgir júzinde sırek korfıgýrasııasynyń túzilgenin anyqtady. Osylaısha 1912 jylǵy 3 qańtarda Jer Kúnge barynsha jaqyn turatyn perıgelııaǵa kelip toqtady da, kelesi kúni Aı onyń gravıtasııalyq yqpaly Kúnmen kúsheıe túsetin pozısııaǵa ornalasty.
Osynyń saldarynan Aıdyń Jerge yqpaly joǵarylyǵy jaǵynan rekordtyq mólsherge jetti. О́z kezeginde bul Grenlandııadaǵy muzdyqtardan orasan zor mólsherde aısbergterdiń syndyrylyp shyǵýyna jol salyp berdi. Mine, osy alyp ńóńderdiń biri aty ańyzǵa aınalǵan laınermen soqtyǵysyp qaldy. Qarańǵyda zor muz kóshkinine soqqan keme qatty zaqymǵa ushyrap, aqyr sońynda birtindep sýǵa batyp ketti.
Eske sala keteıik, aıtýly apat 1912 jylǵy 14 sáýirde Atlant muhıtynda oryn alǵan edi. Parohodtyń bortynda sol sátte 2200 adam bolypty. Ártúrli derekter boıynsha, bulardan 1400-den 1517 adamǵa deıin qaza tapqan.
Murat Aıtqoja.