Jasy 70-ke qaraǵan shaǵynda ataqty basketbolshy, KSRO quramasynyń beldi múshesi Sergeı Belov qaıtys boldy. Bul týraly «Izvestııa» gazetiniń saıty habarlady.
«Búgin Permde uzaqqa sozylǵan naýqastan keıin dańqty keńes basketbolshysy Sereı Belov qaıtys boldy», - delingen onda.
О́ziniń keremet sportshylyq mansabynda S.Belov Máskeýdiń SSKA komandasy KSRO-nyń kóp márte chempıony bolyp, 4 ret Eýropanyń, 2 ret álemniń altyn medalin omyraýyna taqqan. Al 1972 jyly Mıýnhen Olımpıadasynda tarıhta aty qalǵan ǵalamat jaǵdaıda komandalastarymen birge jeńimpazdyqqa qol jetkizdi. Osyndaǵy sońǵy úsh sekýndtiń ishinde Sergeıdiń salǵan doby amerıkalyq ataqty Dream Team komandasynan altyn medaldi tartyp alýǵa múmkindik berdi. Osy jeńimpaz komandanyń sapynda qazaqtan shyqqan tuńǵysh Olımpıada chempıony Áljan Jarmuhamedov te oınady. Osy oıynda Belov 20 upaı jınady. Ol 1980 jyly Máskeý Olımpııalyq oıyndarynyń alaýyn jaǵý qurmetine ıe boldy.
Sergeı Belov eýropalyqtar arasynda basketboldyń Dańq zalyna engizilgen birinshi basketbolshy atandy. Al Halyqaralyq Basketbol federasııasy (FIBA) Belovty Eýropanyń ótken ǵasyrdaǵy eń úzdik basketbolshysy dep tanydy.
Sergeı Belov jattyqtyrýshy retinde de óziniń jarqyn izin qaldyrdy.
Rýslan Igilik.
Sýrette: ekinshi qatarda, sol jaqtan tórtinshi - Áljan Jarmuhamedov, al birinshi qatarda oń jaqtan birinshi - Sergeı Belov.