Tanymal kamerýndyq kásipqoı boksshy, orta salmaqtaǵy álemniń eks-chempıony Hassan N'Jıkam aralas jekpe-jekten ótetin jarystarda kúsh synasýǵa bel býyp otyr, - dep habarlaıdy Egemen.kz
1984 jyly Kamerýnnyń bas shahary – Iаýndede týyp-ósken Hasan kezinde qara qurlyqtyń teńdessiz boksshysy atanyp, 2004 jyly Afıny Olımpıadasynda óner kórsetti. 75 kılo salmaqta judyryqtasqan ol shırek fınalǵa deıin jetti. Sol jyly kásipqoı rıngke aýysty.
Barlyǵy 42 ret sharshy alańǵa kóterilgen N'Jıkam 37 básekede basymdyq tanytty. 21 kezdesýdi nokaýtpen aıaqtady. Ár jyldary túrli beldi nusqalar boıynsha álem chempıony atandy. Kezinde Afrıkanyń ókili qazaqstandyq Gennadıı Golovkınmen de kúsh synasady degen sybys shyqqan. Alaıda olardyń joldary qıyspady. 2016 jyly Hasan Rıo Olımpıadasyna qatysty. Biraq Brazılııada onyń joly bolmady.
Aralas jekpe-jekte baq synaýǵa bel býǵan Hassan N'Jıkam kúni keshe Fransııanyń Ares FC uıymymen kelsimshartqa otyrdy. "Biraz ýaqyt osy promoýshende óner kórsetemin. Al eger bári oıdaǵydaı bolsa, men aldaǵy ýaqytta UFC-den de kórip qalýlaryńyz múmkin", - deıdi ataqty boksshy.