Búgin, 5 qazan kúni Máskeýdegi «Olımpııskıı» sport saraıynda aýyr salmaqtaǵy boksshylar, orys Aleksandr Povetkın men ýkraın Vladımır Klıchkonyń arasynda kópten kútken shaıqas ótedi. Bul týraly ITAR-TASS habarlady.
Atalyp otyrǵan eki bylǵary qolǵap sheberinen bólek, taǵy 4 juptyń arasynda jekpe-jekter ótetin bul kúngi boks keshi jergilikti ýaqyt boıynsha 20:00-de bastalady. Buǵan deıin bul boksshylar arasynda belgilengen shaıqastar eki ret ótpeı qalǵan bolatyn. Alaıda, bıylǵy jylǵy sáýirdiń sońynda «Hrıýnov promoýshenz» promoýterlik kompanııasy bıznesmen Andreı Rıabınskııdiń qatysýymen ótken jekpe-jekti ótkizý quqyǵyn alý saýdasynda bul úshin 23 mln. 233 myń 330 dollar usynyp, jeńip shyqty. Al 17 mamyrda Povetkın polıak Andjeı Vavjıkti utqannan keıin, Reseı boksshysynyń menedjeri Vladımır Hrıýnov urystyń merzimin 5 qazan dep belgiledi. Sosyn Povetkın men Klıchkonyń arasyndaǵy kelisimshart 30 maýsymnan 1 shildege qaraǵan túni jasaldy.
Keshe olardyń salmaqtary ólshendi. Povetkın Klıchkodan jeńildeý bolyp shyqty. Povetkınniń salmaǵy - 102,4 kılogramm, al Klıchkonyń salmaǵy 109,6 kılogramm tartty.
Jekpe-jekti Reseıdiń «Birinshi arnasy» tikeleı efırden.
37 jastaǵy Vladımır Klıchko WBA (Búkilálemdik boks qaýymdastyǵy) nusqasy boıynsha «sýperchempıon» ataǵyn, sondaı-aq WBO (Búkilálemdik boks uıymy) jáne IBF (Halyqaralyq boks federasııasy) chempıondary ataǵyn qorǵaıdy. 34 jastaǵy Aleksandr Povetkın WBA chempıony belbeýiniń ıegeri.
Vladımır Klıchko 63 urys ótkizdi, 60 ret (51-i nokaýtpen) jeńiske jetti, úsh ret qana jeńildi. Aleksandr Povetkın barlyq ótkizgen 26 jekpe-jeginde (onyń 18-i - nokaýtpen) jeńiske jetti.
Rýslan Igilik.
SP. Sizderdiń oılaryńyzsha, kim jeńedi? Men Vladımır Klıchkonyń urystyń sońyna jetkizbeı-aq aıaqtaıtynyna senimdimin. Oǵan qaraǵanda jastaý bolǵanymen, Aleksandr Povetkın bostaý kórinedi. Al sizder qalaı oılaısyzdar? Jazyp jiberińizder.Jarııalaımyz.